الرئيسية | قصائد ومقالات أمازيغية | من روائع الرايس الحاج الحسن بوميا المزوضي
من روائع الرايس الحاج الحسن بوميا المزوضي

من روائع الرايس الحاج الحسن بوميا المزوضي

ؤر أتادجي ليخرت

أداك ؤرتامنم أيايت العاقل الدونيت
ؤرأتادجي ليخرت الحساب نس أد رسون
أونا ئلان العاقل نس أديسن جمعاغ
أك ؤساغ – ف – ئمدوكال كولو راد رمين
أكوساغ هان الطمع ئرزمد البيبان نس
أكوساغ هان ئكيك ئكراد ئيجوان
أتاكوت تكا الجديد ؤمزنت أك ئكنوان
أتيلاس – د –ؤمدلو- د- ونزار أراد ئمون
أجمعان ئسافن ييلي الخوف –غ – تركيوين
ئموت الهنا ئكسوض ؤدرار زغ ؤزاغار
تيلي تاودا ئكسوض ؤصغار زغ ئجاوان
أدامنغ -س – ربي غكاد تفرغمت أدونيت
ئغ ئفرح يان ئكاد الحزن تغرضين نس
ئغ ئسوق يان ؤرتاك سول ئقادا يات
ئغ ئفوغ يان ؤرأك ئسن ئس ئرا أد ئروح
ئغ ئزلض يان ؤرأت أك سول ئحوبو يان
ئغ ؤر ئبري يان ئرأيشور- ف – ؤضار نس
ئغ ئموت يان ؤرسار يلي زود نتان
ئغ ئزول يان ئخصاتن أور يادر يان
أهلي ؤر ئرزم ئمي العيب ؤرئكي يات
أهان الحرام نتا د الحلال ؤرنكران
أمناوت أيجران ؤرت أك أجو بانت
ئسكاسن أيتلعاب ووشن -غ – ئهرتان
ئضرد ئفلو لعزيب ؤرسول نكوبل يات
أيوف ئكرا أستغار ئغزا ئكشم ديسنت
ئموت الحيا ئكسوض ؤركاز- غ – ماد ؤرون
أتلكم توالا تالوحت أد تياكالنت
ئفل الطالب ئمحضارن – ف – تيلي ياد أران
ؤرئلي مايصحان ئد ليف لي كيسنت
أس – نا – غ – راد زالن الطراوح راد أحلن
ؤلاه أبلا ئغ كولو زرين – غ – تزاليت
كلو ماورئشورن أرت ئرزا الزمان
ويلي دار لاباس أياد – غ – ئكا الزلض أفوس
أتلكم توالا تافوكت أتفغ ئكنوان
ؤلاه أبلا بزيزأسدي تمناد أكال
ئكوت لعرا ئموت الحيا تفتا دونيت
ئغ ئكول يان ئزال ئزكا شاهادات نس
هان الحق راد كرون ئلباضل تكاليت
أبلحاق هان الطمع ئكس العرضا ناغ
أرنتكساض زغ القايد نتا – د – ؤبوليس
ؤرنكساض زغ ربي ؤلا نكسوض الموت
أبانت تمتارين ئبان العيب ناغ
وخا لان ئسفارن لانت ؤلا ترزي وين
وخا لان ئعساسن – غ -القبلت ؤلا أكلميم
ؤٍرنسين ماني – د – ئكا كرا ئلا ديتنغ
أوخا نيت تنيت الخبار ؤر أد ئفوغ
ئغ ئفو الحال نان أكت الموباديلين
كن أيامزيل ؤكان الرجا نك – غ – ربي نون
أنوض ئرغا أزال ئعصا تجرا كيتون
أماني – غ – راتافيم أطبيب ئترزي نون
أوالي بدا ئطزالان مان الحمدو نون
ئغ ؤر ئصفي القلب نكرا ئصفو الدين نس
أدو ؤرئك تيـمزكيدا ؤلا ئكشم ديسنت
أهيلي ؤرئتحي ألطالب أيفغ ئكرتال
نيغد ئس غار فتان أد بادلن ئدوكان
ئما الدعوت نس ؤر أد روحنت إكنوان

محمد اوشن

محمد اوشن

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Current ye@r *

إلى الأعلى