الرئيسية | قصائد ومقالات أمازيغية | مختارات من شعر الرايس الحاج إيدار
مختارات من شعر الرايس الحاج إيدار

مختارات من شعر الرايس الحاج إيدار

مختارات من شعر الرايس الحاج إيدار       

تامديازت أسايس        

rays-lhaj-idderئوا بيسمي نكشمد ؤكان – س- ؤسايس                     

أموناد كولو غيد ألاشياخ ئنو                         

غيد نسن ؤلا غيد أك ؤرتا سينغ                        

أداغ ئعمر ووكوك ئنو ئسورا نس                       

أن ئسو لحناء ؤر ئكين ئتافوكت                        

ؤلا كان ماغ نتاد ئتالمنشارت                         

ؤر ئكي بلا أكيس ياضر يان تاطاست                     

نتا – د- ؤزرو – لي مي كوتن ئسافارن                   

أزولات سرسن أييكيلالن ئوالن                         

أسي أ- لعين أر تيغولا – ن- ليقامت                     

أماش أداغ ؤر ييكوت ؤفراو – نس                     

أمن تيزنيت أغ أد ئتاشكا لاصل                        

أتاي أرت ئسا ؤماضون ئغ ئمرت                       

ؤلا طالب ؤلا لحاج ؤلا ئيروميين                        

أتاي أرت ئسا وازان – أن – كا ئلولن                    

لكاس ئغ تين ئسوكا – غ- ؤفوس نك                      

سيغ أنيت سرس ئسيكيل أونت ئكس                     

أييس ؤرت ئكي واد ؤر ئطفن صاحت                 

لباز ؤرت ئكي واد لكمن ئفاسن                     

أوال ؤرت ئكي واد ؤر ئتكمالن                     

لعاقل ؤرت ئكي واد ؤر ئتخمامن                    

ؤر نسين ماتا – غكاد يي تكا لوقت                 

ألاه ؤعلام ؤرتا جو طافغ لعاقل                    

أكان أغ نيت ئفادن تاشاموشت                    

كين ووخسان ئضوضان نفاراقن                  

كين وازبالن زود ئغ أسيفيفغ                      

أماف ؤر ؤسيغ أهيضور ئنو نسوتن ؟                 

نسالا كرايي – د- ربي لانغ ئخلقن                    

أكادا- د- يان نشا ديسن – غ- تمكيلت                  

أكادا – د- يان نهضر ديسن – غ- تملالت               

أغساد ييويت ربي شانت ئكالن                     

أمين أنغ ئسامح ربي سرخون أنغ                  

أيان ئنكاران – د – ؤغاراس راياحل                

أسيدي نبي موحمد أغ أسموقولغ                     

ئكا واحدوت ئلحرب ئناقص لمنكر                   

أيليغ – د – ئباين ربي يان سين مدن                  

ياويد تابرات ئسكيدي ليسلام ئمت                     

محمد اوشن 6 ماي 2013

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Current ye@r *

إلى الأعلى